柴火味叉燒
燒味喺茂里住嘅呢條村仔係稀有嘅食物，想食叉燒係要打電話預訂，真係超乎想像! 想食叉燒我多數自己整。呢度人人屋企都有焗爐，而且整叉燒要用嘅材料都可以買到，仲有豬肉喺呢度平到你唔信，6、7十蚊就買到舊人頭咁大嘅”梅頭”。茂里諗唔到煮咩就會整叉燒做餸，加隻荷包蛋就一餐。 茂里唔敢教大家整叉燒，網上大把KOL教人整。想要整得好食都係要不斷試，反正餐餐都要自己整。整多幾次就愈來愈好味。 依家廚房有個大焗爐，其實整出嚟嘅叉燒已經係過得自己過得人，之但係D叉燒…… 點都好似差咁D …
茂里の餓すす咩
無杯奶茶點掂呀!
茂里同好多香港嘅麻甩佬一樣，每朝都要嘆杯奶茶先開始一日嘅工作。 我住嘅呢條村仔雖然有港人開嘅餐廳，要飲港式奶茶都算有門路。 但係要揸車出去，唔似得以前一落樓下就有茶記。同埋而家無收入，出街嘆奶茶已經係奢侈活動，間唔中一次就得，日日飲真係唔掂 無得成日出去唯有搵代替品，於是就喺呢度嘅超市買唔同嘅茶包試。 利申!!! …
蔗渣嘅價錢煮出燒味嘅味道
龍蝦係王子島其中一樣特產。漁民出海攞到嘅龍蝦經加工後會賣到世界各地，但係大多數嘅客人都要蝦肉唔要蝦頭，於是聰明嘅漁民就將人地唔要嘅蝦頭入面嘅蝦膏製成罐頭。 呢隻罐頭一直都係做內銷，連加拿大人都好少知道呢樣食品。茂里都都係經本地人介紹先識搵到，因為連Walmart 都無得賣。 罐頭打開一條罅就聞到湧出嚟嘅龍蝦味，顏色係深橙色所以我認為入面嘅蝦膏應該已經煮熟。 老實講陣味唔係人人頂得住，所以我唔建議大家直接食。呢隻龍蝦膏最好係再煮吓先食，配合洋蔥、芫茜就可以令陣蝦味mile …
自製熱浪薯片
生活喺外地，最興奮就係搵到家鄉嘅味道，之不過家鄉嘅味道有時都幾貴。 茂里我鍾意食卡樂B熱浪薯片，以前喺香港超市賣10蚊3包嘅，喺我住緊嘅呢條村仔竟然賣差唔多20蚊港紙一包。我見到時不知幾HIGH，唔理幾錢都照買。返到屋企就覺得好肉赤，真係大時大節我先夠膽開一包嚟食。 呢度最容易買到嘅薯片係”Lay’s”，平起上嚟可以兩三蚊加紙就買到大大包。口味有好多種而黃色原味食落同卡樂B原味都有6,7 成似。其他味就唔好講喇，一句講晒就係文化差異囉。 Lay’s …