情迷法國妹
喺外國，麵包必然係主食。所以入到超市，麵包嘅種類比米多是常識吧。唔計新鮮出爐嘅，剩係方包都足足擺滿幾個貨架。 雖然我仲未進化到餐餐食麵包，但一個星期都會有幾日食麵包做早餐或下午茶。 咁多種，點揀? 緊係𡃶住個荷包先，專揀減價貨買。麵包嘅嘢，茂里真係唔識。食落隻隻差唔多。 不過有隻有個女仔LOGO嘅麵包就長期賣5個幾一包，一般麵包都係兩、三蚊，咁貴點會買。 …
茂里の餓すす咩
冬陰公味嘅福麵
依家咩嘢加價都話同打仗有關，之前茂里提過嘅Ichiban Sapporo都跟住其他嘢加價，一加就係1毫2。作為無收入人士，呢1毫2真係好重皮。 油貴最多揸少D車，但係你點都要食，唯有搵吓有無其他平嘅。 茂里一直都好努力咁搵一D熟悉嘅味道，而似曾相識嘅味道一定唔可以唔提福字麵。今次就比我搵到呢隻”沙話Dee給”福麵，仲要係兩個半就有5包。 包裝用嘅顏色好搶眼，一睇就知係泰國嘢。包裝右上角寫住MAMA，上網CHECK係泰國嘅食品公司，可能以前香港都有得賣，只不過以前大多選擇而且有得揀多數都會買日本嘢。 …
丁麵代替品
茂里一直都好努力咁搵家鄉嘅味道，特別係麵。除左鐘意食，我仲覺得佢代表住一種生活文化。 由其係出前一丁，每一次食都會令我諗起以前返工食早餐或者係半夜睇波食宵夜嘅時光。 面對天價嘅”真”出前一丁，我真係好耐先會”品嚐”一次。 無錯! 唔係食，係品嚐。 …
魚頭湯
香港人嘅飲食一定要有湯水，就算無時間煲老火湯點都要買個鯇魚頭滾個湯。 茂里住嘅地方梗係唔會有鯇魚，之不過想魚嘅頭頭尾尾滾湯原來都唔易。需知道本地人食魚一定要啖啖肉，魚頭魚尾呢D無乜肉食嘅部份基本上唔會有人要。 所以要買就要厚住面皮問! 最好就係襯超市開門無耐就衝去魚檔問。呢個時候D魚應該仲未劏，你一定要鼓起勇氣問 DO …
煮個麵比你食2
好唔容易比我遇到出前一丁嘅雞蓉味。 見到嗰一吓真係有遇到失散親人一樣，良久不能平伏激蕩的心情。 如此珍貴嘅食材點可以就咁加條腸? 話明係雞蓉味點可以無舊雞? 所喺煮麵之前首先要煮嘅係雞。 …
A&W
喺香港想食個BURGER，最快捷嘅方法就係去麥記，除此之外就要去餐廳或酒店先食到。 曾幾何時，喺香港都有其他選擇。 WENDY’S 、BURGER KING都試過想喺香港搶麥記嘅地盤，可惜最後都係損手離場。 …
自製蟹道樂
以前茂里同好多香港人一樣，一有時間就返”鄉下”。其中一間茂里好鍾意幫襯嘅就係蟹道樂，佢嘅全蟹宴味道同賣相都係一流，真係一試難忘。 王子島盛產龍蝦，但呢度有松葉蟹就未必個個人知。 松葉蟹日文係”SUWAI KANI” 英文就係SNOW …
經典美食-菠蘿油
茂里住嘅呢條村仔雖然人少少，但係都有香港人開嘅麵包店，仲要係主打港式麵包。 菠蘿包就緊係有啦，之不過價錢就…… 今時唔同往日，茂里呢D Jobless嘅人點夠膽隨隨便便走去買嚟食呢? 點知半年後突然發現超市入面竟然有得賣，第一次見到直頭有執到金咁興奮，再望吓個價錢…… …
日式料理萬能俠
茂里一家都鍾情於日系嘅菜式。個人認為佢比中菜容易整，因為平時用到嘅調味料都係醬油、味琳同料理酒。相對較易HANDLE，失敗率都比較低。 嚟到加拿大一日3餐都要自己煮，如果有樣調味料可以做到多幾樣嘢你話幾無得頂呢! 好彩喺茂里嚟到之前就有港人喺呢度開左間日系スーパー，到步第一件事就係去入貨。 老闆娘見我茂里都鍾意煮日本嘢，就介紹左 “白だし” …
煮個麵比你食
就算香港即食麵嘅款式唔夠日本多，起碼出前一丁都有十幾款選擇。你地好難想像呢邊即食麵嘅選擇可以有幾少，就算係大如Walmart都唔會成日有出前一丁賣。 就算比你好彩遇到有出前一丁賣，價錢一定比香港貴。以前10蚊買到3個，呢邊麻油味要加紙個半一個，即係港紙9到10蚊。而呢度買個急凍細PIZZA只不過係3蚊，一個就夠4個人食。如果只為填飽肚你會點揀? 講到味道嘅選擇就緊係少啦! 我到目前為止只係見過麻油味同牛肉味，好間唔中先會見海鮮。想搵更多口味唯有上網，但加埋運費之後嘅價錢確實係嚇死人。 無計個喎，貴都係要食，鬼叫你思鄉咩。為左尊重每包得來不易嘅出前一丁，一定要花盡心思整到有咁好食得咁好食至得，唔係點對得住包麵。 …