喺香港想食個BURGER，最快捷嘅方法就係去麥記，除此之外就要去餐廳或酒店先食到。
曾幾何時，喺香港都有其他選擇。
WENDY’S 、BURGER KING都試過想喺香港搶麥記嘅地盤，可惜最後都係損手離場。
如果同茂里一樣係BURGER嘅FANS，喺外國就比香港有更多嘅選擇。
價錢最平嘅依然係麥記，但味道絕對完勝香港嘅麥記。想再好味D嘅有WEND’S 同BURGER KING，而我就發現有間叫A&W嘅快餐店，價錢佢係最貴嘅，一個餐就差不多要100港紙。
但係呢個價錢食到嘅，真係比美大酒店2、3百食嘅。
一般你喺快餐店食到嘅飽，多數都係”扁踢踢”，包又薄肉又薄同相見到嘅差天共地。
A&W嘅DOUBLE CHEESE BURGER 嘅厚度足係老麥嘅一倍。個口一定要擘到最大先咬得晒。而塊漢堡排夠厚之餘仲要係肉汁豐富，仲要有少少燒烤嘅濃味。份量十足食一個其實一定夠飽，之不過唔好忘記仲有香噴噴嘅薯條，呢度嘅薯仔唔使多講，世界級。
最後一定要講杯可樂，其他快餐店一定係用紙杯。而A&W竟然係用玻璃杯，仲要係預先雪凍左嘅，真係有飲緊支裝可樂嘅感覺。
食到咁出色嘅漢堡包，茂里即刻serach吓呢間鋪頭嘅background。
嘩! 完來喺美國已經有差唔多一百年歷史。咁多年只係試過進駐大陸同台灣，但最後都係敗走。依家喺亞洲就只有馬拉、新加坡同日本嘅沖繩有得食。
各位如果有機會見到，記住幫襯! 絕對唔會令你失望。