香港人嘅飲食一定要有湯水，就算無時間煲老火湯點都要買個鯇魚頭滾個湯。
茂里住嘅地方梗係唔會有鯇魚，之不過想魚嘅頭頭尾尾滾湯原來都唔易。需知道本地人食魚一定要啖啖肉，魚頭魚尾呢D無乜肉食嘅部份基本上唔會有人要。
所以要買就要厚住面皮問!
最好就係襯超市開門無耐就衝去魚檔問。呢個時候D魚應該仲未劏，你一定要鼓起勇氣問
DO YOU HAVE FISH HEAD?
呢個問題對本地人嚟講係不可思意嘅，有肉唔食食頭?
佢可能會答”WHAT!?”
唔使驚照答”YES! FISH HEAD, PLEASE”
佢可能會話等等，然後就特登搵個魚頭仲會搭埋條尾比你。
以前喺香港買個魚頭續斤計都要幾廿蚊。
呢度買個三文魚頭加尾，只係加紙1.55。呢個價錢我唔知點計出嚟，照計續KILO計起碼都要10蚊加紙啦。
我估佢想免費比我又唔得，於是就事事旦旦打個數出嚟算數。
個三文魚頭就用嚟整個味噌湯啦，而魚尾就用椒鹽半煎炸，加碗飯又一餐。
呢個定食，有營養又夠平。真係連骨都”損”埋。