以前茂里同好多香港人一樣，一有時間就返”鄉下”。其中一間茂里好鍾意幫襯嘅就係蟹道樂，佢嘅全蟹宴味道同賣相都係一流，真係一試難忘。
王子島盛產龍蝦，但呢度有松葉蟹就未必個個人知。
松葉蟹日文係”SUWAI KANI” 英文就係SNOW CRAB。日本一年四季都有得食，但呢度每年只有4月先有得食松葉蟹。一年就有呢個月，所以一定要把握機會吃到夠。
有松葉蟹唔一定有蟹道樂，因為呢度嘅食法好直接，一煲過煮熟佢就食。雖則可以食到最鮮嘅味道，但就無左日本料理嘅細膩感覺。
為左食到我心目中嘅蟹道樂，我足足預備左一年!
第一件事就係研究蟹道樂嘅MANU，睇吓有D咩菜式自己有能力HANDLE到。做人最忌眼高手低，太簡單唔得，太複雜唔得，太多工序唔得。最後精選左以下幾款菜式。
- SHABUSHABU
- 雜炊
- 甲羅燒
- 味噌湯
- 卷物
- 釜飯
唔講咁多，自己睇相。
要食得似，食材當然重要，但有D細節位都可以幫到好多。
SHABUSHABU 嘅湯底要用”白湯”配白蘿蔔，而煮熟嘅蟹腳食嘅時候一定要點日式蟹醋。而更畫龍點睛嘅就熙係要配日系嘅食蟹工具啦。呢D嘢我緊知呢度唔會有，所以一年前就喺香港買定。之不過要搵都唔會話搵唔到嘅，AMAZON咩都有。
食完SHABUSHABU千其唔好倒左D湯!!! 呢個湯先至係高潮所在。如果你有食過蟹道樂就必然記得有一味由專人煮比你食嘅雜炊，蟹味十足嘅湯加D紅蘿蔔粒然倒入”冷飯” (記住!!! 一定要係”冷飯”)。煮到變粥就加蛋，食之前再撤D紫菜絲。我夠膽講呢碗雜炊好食過隻蟹。
第一回合完左，休息時間就到折肉同膏。有工具就唔使驚。折完肚餓就到ROUND 2。
整甲羅燒有叮叮焗爐就最方便，而整卷物用嘅甜蛋一樣要用白湯開蛋醬，而煎甜蛋用嘅PAN又係要自己帶過嚟。而折完肉嘅殼都唔好掉左佢，留返可以用嚟整個味噌湯。
食材係重而食具就可以提升食物嘅賣相。載壽司嘅盒、煮釜飯嘅煲仔、配味噌湯嘅碗、仲有食蟹嘅工具，通通都係喺香港買定。為嘅就係要食得蟹道樂D。
喺日本食個蟹道樂嘅LUNCH SET平平地都要幾千YEN一個。呢度買4隻松葉蟹整咁多樣嘢，平圴一隻都係10蚊加紙。真係叫一個SET錢都唔晒。
除左整全蟹宴，茂里再介紹大家用蟹肉嚟整越式蒸蛋。有興趣可以CLICK下面條LINK，有VIDEO教大家點整。