茂里住嘅呢條村仔雖然人少少，但係都有香港人開嘅麵包店，仲要係主打港式麵包。
菠蘿包就緊係有啦，之不過價錢就……
今時唔同往日，茂里呢D Jobless嘅人點夠膽隨隨便便走去買嚟食呢?
點知半年後突然發現超市入面竟然有得賣，第一次見到直頭有執到金咁興奮，再望吓個價錢……
個零銀錢加紙一個!!! 我即刻好似大時代咁有幾多掃多。
正所謂一不做二不休，買到菠蘿包就緊係整菠蘿油再加杯熱奶茶。
先放入焗爐整翻熱再開邊加入厚切嘅ADL牛油。
一口咬落去，先係食到趣扑扑嘅外皮，然後就係開始熔緊嘅牛油，再嘆一啖奶茶。
真係…….邪惡到呢!
味到真係唔錯。上網check吓邊度造先。包裝上面寫住Golden Happiness，一Google 就搵到。原來係一家喺Calgary唐人街開嘅餅店。餅店始創於1987年，原本只係做零售，喺2000年就開埋廠。
除左菠蘿包，仲有奶黃、紅豆、奶油、雞尾。佢地連油炸鬼、叉燒包、臘腸卷都有，可惜茂里住嘅村仔就無得賣，希望呢度嘅超市有留意到我地嘅需要，幫手入D解救吓我地嘅思鄉病。