好唔容易比我遇到出前一丁嘅雞蓉味。
見到嗰一吓真係有遇到失散親人一樣，良久不能平伏激蕩的心情。
如此珍貴嘅食材點可以就咁加條腸?
話明係雞蓉味點可以無舊雞? 所喺煮麵之前首先要煮嘅係雞。
呢度嘅超市最容易買到嘅唔係成隻腳，而係雞脾。而且價錢非常低，一PACK兩隻大雞脾SIZE大過一隻雞。茂里經常買兩PACK整海南雞飯。
煮麵之前一晚先整左海南雞，然後留低一件煮出前一丁。
煮個麵要預備一日真係講都無人信。
唔緊要! 無業嘅茂里最多嘅係時間。
呢碗麵唔單只有雞，仲有自家種嘅白菜同蔥，而茂里仲要特登走出後園坐喺日光之下慢慢嘴饞。
真係每一啖都係心機同時間，對得住呢個得來不易嘅一丁有突啦。