茂里同好多香港嘅麻甩佬一樣，每朝都要嘆杯奶茶先開始一日嘅工作。
我住嘅呢條村仔雖然有港人開嘅餐廳，要飲港式奶茶都算有門路。
但係要揸車出去，唔似得以前一落樓下就有茶記。同埋而家無收入，出街嘆奶茶已經係奢侈活動，間唔中一次就得，日日飲真係唔掂
無得成日出去唯有搵代替品，於是就喺呢度嘅超市買唔同嘅茶包試。
利申!!! 茂利無做過水吧。唔識溝茶葉更加唔會識點沖。只係想用最簡單最平嘅方法沖到一杯有幾成似嘅就好滿足。
最後，茂里搵到呢隻Twinings嘅Irish Breakfast Tea，中文就係愛爾蘭早餐茶。我本身唔識English Tea，都係用try and Error嘅方法試到。所以唔知第二隻Brand嘅Irish Breakfast Tea 得唔得。
茂里鍾情茶走，所以都係用一個茶包沖大概半杯然後落提煉奶。入口有濃郁嘅茶香，苦澀味唔算重，我用煉奶沖所以無用淡奶沖嘅醇厚感。但比起好多喺香港呃飯食嘅茶記好飲好多。
人在外地，唔理你點努力搵，都唔會搵到一模一樣嘅味道。咁你唯有adjust一吓自己嘅要求囉。有時搵到D代替品，止止咳已經心滿意足。
。