茂里一直都好努力咁搵家鄉嘅味道，特別係麵。除左鐘意食，我仲覺得佢代表住一種生活文化。
由其係出前一丁，每一次食都會令我諗起以前返工食早餐或者係半夜睇波食宵夜嘅時光。
面對天價嘅”真”出前一丁，我真係好耐先會”品嚐”一次。
無錯! 唔係食，係品嚐。
但咁樣唔係辨法，唯有試多幾個BRAND，睇吓搵唔搵到D價錢合理嘅即食麵。
試左幾多就唔講喇! 好多都差過茶記嘅大光麵，D麵質直頭係膠味嘅。味粉就剩係得咸味，原全食唔有包裝張相嘅感覺。
茂里推介呢隻SAPPORO ICHIBAN。我先係比個紅色包裝吸引，驟眼睇都有D似原味嘅出前一丁。茂里買之前用GOOGLE CHECK 吓咩料先。相信大家都有知日本真係有SAPPORO ICHIBAN嘅麵賣，呢隻麵會唔會係老翻呢?
WIKI話サッポロ一番係SANYO旗下嘅品牌，而SAPPORO ICHIBAN就係SANYO喺美國用嘅BRAND。生產地位於美國加州，主要供貨比美加同墨西哥。
如果後面係日本公司，咁應該唔太差啩……..
喺超市入面，你會見到SAPPORO ICHIBAN有3隻色賣。分別係紅、綠、啡。如果你有食開出前一丁，應該知道
紅色 – 麻油
綠色 – 雞蓉
啡色 – 牛肉
價錢唔係最平，大概係港紙5蚊一包，但已經比出前一丁平很多。
而味道方面，麵質其實同香港製造嘅出前一丁好接近。3隻味道都不差，而麻油味嘅味粉所煮成嘅湯飲落基本上同出前一丁一模一樣。
唯獨係跟麵竟然係無麻油，唯自己出私伙囉，但絕對唔影響整體評分。
至於雞蓉同牛肉味。唔係唔好食，不過就同出前一丁嘅雞蓉同五香牛肉味唔多似，但食落唔會覺得同包裝張相差太遠。
希望超市KEEP住入貨，千其唔好入入下斷左呀!